Bindi II komið út á rafrænu formi

 

Biðin er á enda! Með spenningi tilkynnist hér með rafræna útgáfu af Bindi II af Universal Model (Alhliða líkan) undir heitinu Lífkerfið (The Living System).

Þetta bindi inniheldur nokkur af mikilvægustu uppgötvunum fyrir hinum „Nýju vísindum árþúsundsins“. Þessar uppgötvanir eru meðal annars:

• Þróunarfalskenningin sem sýnir hvernig þróunarkenningin er röng kenning, en þó hefur hún verið kennd sem staðreynd.
• Kaflinn um aldurslíkanið sem inniheldur nýjar vísbendingar um Jörð sem er miklu yngri en það sem kennt er í vísindaheiminum.
• Steingervingalíkanið sem sýnir með tilraunum hvernig steingervingar eru myndaðir.
• Kaflar sem fjalla um veraldarsöguna og landfræðilegan uppruna mannkyns.

Þú vilt ekki missa af þessum spennandi köflum sem bæta við og staðfesta Bindi I, Jarðarkerfið í UM! Tenglar hér til hægri flytja þig á innkaupasíðurnar, en þú getur smellt hér til fara beint á hið nýútgefna bindi. Bindi II er sett á kynningarverð eins og er, alveg eins og Bindi I – þessi verð eiga eftir að hækka.

Ég óska öllum mikillar ánægju í uppgötvunum sínum á vísindalegum sannleika!

Svör koma frá spurningum

Skrif eftir Brooke E. McKay – Click here for English

Einmitt sko, er það ekki augljóst? Þessi yfirlýsing er kannski augljós á yfirborðinu en dýpri þýðing hennar og notagildi getur leitt til ótrúlegra varandi afleiðinga. Það er vísað í þetta í UM sem svar-regluna og á eftir kemur einfaldlega spurninga-reglan sem er að spyrja alls með opinn huga. Ef þessar tvær reglur eru notaðar, þá geta þær leitt til meiri nýsköpunar, umbreytinga og uppgötvunar en þú getur nokkurn tímann ímyndað þér.

Hvernig get ég sagt þetta með slíku öryggi? Í þessar reglur hefur UM líklega vitnað mest í af öllum setningum þar. Það er minnst á þær næstum því í hvert sinn sem sannleikur í UM er kenndur einhverjum og það er góð ástæða fyrir því. Þær eru undirstaðan og einnig uppruni sérhvers nýs vísindalegs sannleika sem UM hefur uppgötvað. Að spyrja spurninga og eins að hvetja til spurninga getur verið hvati til stórfenglegra framfara og aukinnar þekkingar og visku.

Spurningar vakna vegna forvitni og enginn er forvitnari en okkar eigin börn. Með eigin fjögur börn, 8 ára og yngri, er heimili okkar fyllt með mikilli forvitni. Það ætti ekki að koma á óvart fyrir mömmur og pabba að nýleg könnun hafi sýnt að foreldrar eru þeir sem spurðir eru oftast í heiminum. Þeir eru spurðir fleiri spurninga á klukkustund en kennarar, læknar eða hjúkrunarfræðingar. Það kemur líklega heldur ekki á óvart fyrir marga foreldra fjögurra ára gamla barna að smábörn spyrja að meðaltali nýrrar spurninga á tæp tveggja mínútna fresti, eða rúm 350 spurningar á dag. Mæður víða um heim kinka kolli núna, enda hafa þær sjálfar upplifað þessa ótrúlegu staðhæfingu.

Ég skil það vel, spurningar geta fært svör og þekkingu en stundum hugsa ég með mér … ef ég þarf að hlusta á eina spurningu í viðbót á borð við hvert fer lyktin ef ég prumpa í baðkerinu eða hvers vegna er hor eins og salt á bragðið, þá gæti ég farið yfir um. Hvað eigum við að gera við allar þessar spurningar?!? Sjáum hvað sumir aðrir foreldrar eru að gera í dag.

Árið 2015 var gerð skoðanakönnun á Stóra-Bretlandi af Institution of Engineering and Technology. Í henni voru foreldrar barna á aldrinum 4–12 ára spurðir nokkurra spurninga. Niðurstöðurnar komu á óvart svo ekki sé meira sagt. 83% foreldranna gátu ekki svarað einföldum grunnskólaspurningum í náttúruvísindum þegar þeir voru spurðir. Þegar kom að því að svara spurningum barnanna sinna, óttuðust 61% raunverulega að vera spurð erfiðrar spurningar af barninu sínu sem leiddi til þess að þeir forðuðust að veita þeim svör almennt.

Ætti okkur að líða illa yfir því að geta ekki svarað þeim spurningum sem börnin okkar spyrja okkur? Ættum við að skammast okkar fyrir að muna ekki skilgreiningar vísindanna eða stærðfræðijöfnur sem við lærðum í skóla á sínum tíma? Svarið er nei, heilinn okkar getur aðeins haldið ákveðnu magni af upplýsingum í langan tíma og „meðgönguheili“ er raunverulega til, EN vandamálið er þegar þetta gerist: 63% sögðu einnig að þeir hafi gefið forvitna barninu sínu rangt svar í staðinn fyrir að játa fyrir þeim að vita ekki svarið.

Réttið upp hönd ef þið hafið lýst yfir að töfrar séu svar við spurningu barnanna ykkar um hvernig eitthvað virkar, þegar þið vitið ekki svarið eða nennið ekki að útskýra það (hönd mín er uppi núna). Sannleikurinn er sá að við öll erum fáfróð, hver á sínu sviði. En að viðurkenna þetta og velja að svara börnum okkar sannsögul, þá munu bæði foreldrið og barnið hagnast. Sem foreldrar höfum við skyldu gagnvart börnum okkar til að kenna þeim og leiðbeina í átt að sannleika. Þú sem foreldri þeirra hefur megin ábyrgðina á lærdómi og þroska þeirra. Með því að kæfa spurningar eða að taka ekki þátt í stöðugri leit þeirra að sönnum svörum, ert þú að missa af eina af ótrúlegustu reynslum þess að vera foreldri.

Nýtt lærdómsferli er gefið í kafla 1.3 í Universal Model. Fyrstu skrefin í ferlinu fela í sér að læra hvernig á að spyrja en einnig hvað eigi að spyrja. Ég ólst mest allt mitt líf upp við að hljóta kennslu í þessu ferli og það var uppörvandi að finna annan hóp í „hinu raunverulega lífi“ sem var að reyna að keppast eftir þessum sömu hlutum. Stofnunin The Right Question Institute (Stofnun hinnar réttu spurningar) er félagasamtök menntunnar sem starfar með fyrirtæki, skólum og foreldrum til að hjálpa við að rækta nýsköpun, forvitni og vöxt með því að hvetja nemendur á meðvitaðan hátt til að spyrja spurninga og kenna þeim bestu leiðina til að þess. Þeir bjóða upp á fjölbreytt úrval nýrra fræðsluauðlinda sem gera það mögulegt fyrir alla, óháð menntun þeirra eða tekna, að læra að hugsa og starfa á hagkvæmari hátt fyrir þeirra eigin hönd. Viðbrögðin við úrræðin þeirra hafa verið ótrúleg. Tækni þeirra með spurningauppskriftum passar við nýja lærdómsferlið í Universal Model á margan hátt og nýtist á svo margan hátt í lífinu. Það er auðvelt að sjá tæknina þeirra að verki í gegnum myndskeið þeirra á netinu eins og þetta:

Ég kem þessum einföldum skrefum í verk í dag með tvö eldri börnin mín, 6 og 8 ára. Við horfðum á einfalt myndskeið um náttúrulega fyrirbærið vatn sem getur runnið niður snúru úr einum bolla í annan vegna þess að vatnssameindirnar dragast hvor að annarri. Að hlusta á þau spyrja spurninga um ákveðið eðli vatns á meðan ég skrifaði þær allar niður var ótrúlega spennandi. Þau skildu mjög vel mismuninn á milli lokaðra spurninga (þekkingar) á borð við hver, hvað, hvenær og opinna spurninga (vísdóm) á borð við hvers vegna og hvernig. Þau skildu einnig hag beggja tegundar spurninganna. Þau spurðu nokkrar mjög góðrar spurninga en áttu auðvelt með að þrengja þær niður í þær spurningar sem þeim fannst mikilvægastar eða þær sem þau virkilega óskuðu eftir að uppgötva sannleik í. Við gerðum þessa tilraun sjálf og var skemmtilegt að heyra strákana ískra af spenningi þegar það heppnaðist fyrir þeim líka. Ég held að þeir hafi að hluta til talið þetta vera töfrabragð. Þessi reynsla var ekki bara lærdómsrík, heldur líka mjög skemmtileg! Að fylgjast með þeim hugsa og sjá forvitni þeirra vaxa var hápunktur dagsins og ég set mér það sem markmið að reyna að eiga oft álíka reynslu með börnunum mínum.

Þannig að hvað eigum við að gera með allar þessar rúmlega 300 spurningar sem koma til okkar daglega? Hvetja þau að spyrja meira! Lífið verður annasamt og spurningarnar halda áfram að koma, þannig að búið til lista, segðu barninu þínu að þú sért að skrifa niður spurningarnar þeirra og að þú munir setja ákveðin tíma síðar til að finna svör sameiginlega, já hor- og prumpspurningarnar líka. Reynslan og minningarnar sem koma frá uppgötvun sannleik beint við hliðina á börnunum þínum eru ólýsanlegar. Það leyfir lærdómsferlinu til að vera á jöfnu stigi með foreldri og barni sem bæði eru jafn forvitin að finna sannleikann í þeim heimi sem þau búa í.

Dean James Ryan frá Harvard Gaduate School of Education sagði þetta í útskriftarræðunni sinni í maí 2016:

Mig langar að hvetja ykkur að standast þá freistingu að hafa tilbúið svar og eyða meiri tíma í að hugsa um réttu spurninguna til að spyrja. Hinn einfaldi sannleikur er að svar getur aðeins verið eins gott og hin spurða spurning. Þetta veit ég af eigin reynslu… Fyrir þá sem hyggjast gerast kennarar til dæmis, þá vitið þið að vel orðuð spurning lætur þekkingu koma til lífs og myndar þann neista sem kveikir á loga forvitninnar. Og það er enginn stærri gjöf sem hægt er að gefa nemendum en gjöf forvitninnar. Fyrir þá sem munu verða leiðtogar, sem þið öll verðið, hafið ekki áhyggjur um að hafa öll svörin. Miklir leiðtogar hafa ekki öll svörin, en þeir vita hvernig á að spyrja réttrar spurninga, spurninga sem neyða aðra og sjálfa sig til færa gömul og þreytt svör til hliðar, spurninga sem opna möguleika sem voru ósýnilegir áður en spurt var.

Spurningar örva mannshugann. Þær eru upptök innri hugleiðslu og ytri tjáningu. Með því að hvetja til að spyrja spurninga, og með tímanum að kenna börnunum og einnig fullorðna fólkinu hvernig á að spyrja á hlutlægan hátt, þá munt þú gefa þeim gjöf sem þau geta átt með sér að eilífu. Kennið þeim að spyrja alls með opnum huga og að hætta aldrei að leita að sannleika í svörunum, svörum sem koma frá spurningum.

Heimildir:

https://rightquestion.org

https://www.telegraph.co.uk/news/uknews/9959026/Mothers-asked-nearly-300-questions-a-day-study-finds.html

https://www.theiet.org/policy/media/press-releases/20151104.cfm

https://www.gse.harvard.edu/news/16/05/good-questions

https://www.youtube.com/watch?v=9wrIIDNECUQ#action=share 

Kynning á ensku

Algeng spurning er Hvað er Universal Model? Þessi kynningarfundur frá síðasta vetri svarar þessari spurningu, a.m.k. á einhvern hátt.

Fáein eintök til sölu

Á leið minni til Bandaríkjanna eftir nokkra daga mun ég taka takmarkað magn af Bindi I með heim til Íslands. Hafi einhver áhuga á að tryggja sér eintak af þessari ótrúlega magnaðri vísindabók, láti mig vita.

Verðið er 7.500 kr.

Rúmlega 800 blaðsíður, fullt af myndum og tilvitnunum frá þekktum vísindaritum og gífurlega áhugaverður lestur á auðskiljanlegri ensku. Bókin er skrifuð fyrir almenning, ekki fyrir sérfræðinga á einhverju sviði.

Útvarpsviðtal við Dean W. Sessions (Kate Dalley show)

Dean W. Sessions, höfundur Universal Model, var tekinn í viðtal í Kate Dalley þættinum (katedalleyradio.com), en hún starfar fyrir Fox News. Í fyrri hluta viðtalsins tala Kate og Dean um loftslagsbreytingar, mikilvægi náttúrulögmála og önnur umræðuefni tengda Universal Model Bindi I, Jarðarkerfið.

Í síðari hluta þáttarins hringja hlustendur og spyrja Dean um Universal Model. Hlustið á svör hans varðandi vísindalegar kenningar, gagnrýni á UM og fleira! Það eru fréttir og auglýsingar fyrst, viðtalið byrjar á tímanum 6:20.

Til að læra meira, farið á UniversalModel.com

Stuttur fyrirlestur með Rupert Sheldrake

Þetta myndband með er hverrar mínútu virði (18 mínútur)! Þessi Englendingur sem ekki tengist Universal Model að mér vitandi, telur upp kenniatriði sem sýnir hversu kjánaleg vinnubrögð og hugsunarháttur nútíma vísinda virðast vera.

Þörfin fyrir alhliða vísindaaðferðir

Það hefur verið sagt að mesta uppgötvun í vísindum væri uppgötvun vísindalegrar aðferðar í uppgötvunum. Segðu það fimm sinnum hratt! :)  En hver er skilgreiningin á mestu uppgötvun í vísindum? Það eru í raun til ótal skilgreiningar sem ætti að vera viðvörun til allra að hver sem "hún" nú er, þá hefur hún ekki verið skilgreind rétt.

Er til staðall í vísindum hvað varðar vísindalegar aðferðir?

Vísindaleg aðferð sem fjallað er um í kennslubókum og í endalausum heimildum á netinu er að finna í ótal formum. Sumir fara svo langt að segja að það sé ekki einu sinni til! Það er öllum ljóst sem framkvæma fljótlega leit á netinu, að ekkert staðlað og einfalt safn af skrefum skilgreinir vel hina nútíma vísindaaðferð. Maður getur venjulega fundið nokkra sameiginlega þætti á meðal þeirra, svo sem kenningar, tilgátur eða athuganir, en það er engin alhliða samstaða, ekki einu sinni meðal sömu vísindasviða, í því hvernig eða hvenær ætti að beita þeim.

Hvernig eiga kennarar og foreldrar að kenna staðlaða aðferð við vísindalegar uppgötvanir ef vísindin sjálf hefur ekki nein? Og alveg jafn mikilvægt, hvernig geta vísindamenn verið ábyrgðir fyrir nákvæmni og fjölbreytileika tilrauna sinna ef það er engin alhliða vísindaleg aðferð til, til að fylgja og dæma störf sín eftir?

Er einsleitni í vísindum ÞAÐ mikilvæg? Skiptir máli hvernig aðgerðum er beitt, er hægt eða má færa eða eyða að vild og vænta þess að fá sömu niðurstöðu? Þú myndir hæðast að smiði sem byrjaði að byggja hús með því að byrja á þakinu og enda á grunninum eða á pípulagningarmanni sem myndi segja: "Veistu hvað, ég held að lagnir séu bara ekki mikilvægar, þannig að við skulum bara sleppa þeim." En þó er þetta eitthvað sem við sjáum í mörgum útgáfum af vísindalegum aðferðum þar sem nauðsynlegum hlutum er sleppt, eins og t.d. náttúrulögmálum. Eins þegar kenning er notuð sem lokaskrefið í aðferðinni, endastoppistöð vísindalegrar uppgötvunar.

Til að koma á reglu verður að vera þekkt aðferð sem allir vísindamenn þurfa að fylgja. Það að leyfa öllum vísindamönnum að búa til og ráða sína eigin útgáfu af vísindalegum aðferðum er alveg eins óskipulagt og að láta endurskoðendur búa til eigin skattareglur eða lögfræðinga setja sér eigin reglur í dómssal. Það er þessi skortur á stöðlun sem hefur stuðlað að á yfir hundrað ára tímabili í vísindum þar sem ekki einu sinni eitt þýðingarmikið nýtt náttúrulögmál hefur uppgötvast. Það er kominn tími til að almenningur byrji að krefjast þess að vísindamenn fylgi staðlaðri alhliða vísindalegri aðferð til að tryggja nákvæmni og ábyrgð. Of margar rangar kenningar eru kenndar sem staðreyndir án áþreifanlegra sannanna til að styðja þau og of mikið fé er sóað í árangurslaus verkefni sem ekki er hægt að endurtaka.

Við föttum það - enginn vill að einhver maður eða einhver aðferð kæfi skapandi uppgötvunarferlið sitt, en vísindin snúast um að uppgötva sannleika í náttúrunni en ekki skapandi kenningar sem gætu virst sannar en hafa engar raunverulegar áþreifanlegar sannanir sem styðja þau.

Universal Model hefur búið til alhliða vísindaaðferð sem gildir á öllum vísindalegum sviðum. Henni var komið á fót til að hjálpa til við að uppgötva ný náttúrulögmál sem eru raunveruleg endastoppistöð sannra vísindra uppgötvana. Hvernig vitum við að hún virkar? Vegna þess að út frá þessari aðferð hefur UM hingað til uppgötvað yfir 40 þýðingarmikil ný náttúrulögmál og hundrað stórfenglegar uppgötvanir. Hvers vegna ekki nota aðferð sem hefur þegar verið sönnuð til að ná árangri?

Til viðbótar er hægt að bæta við undirskrefum á milli hinna sex grundvallarþrepa. UM hefur skilið að vísindalegur sannleikur og skynsemi geta útskýrt alheiminn á einfaldan hátt og að það verður að vera til aðferð sem hægt er að nota til að þekkja þessa hluti. Lærðu meira um alhliða vísindaaðferðina í undirkafla 2.5 í Universal Model, New Millennial Science, Bindi I.

Alhliða vísindaaðferðin:

1. Kenning
2. Spá
3. Prófun
4. Athugun
5. Mat
6. Náttúrulögmál

Útvarpsviðtal við Dean Sessions

Fyrir þá sem hafa áhuga á, birti ég hér tæp klukkutíma langt útvarpsviðtal við höfund ritverksins Universal Model - A new Millenial Science, Dean Sessions. Talar hann úr síma sem er ástæðan fyrir lakari hljóðgæðum en það er vel hægt að skilja. Njótið og lærið!

Spurningar og svör um UM

Hér koma nokkrar algengar spurningar um UM með svörum.

1: Hvað er Universal Model?

Universal Model (UM) eru fræði um sannleik sem hefur verið sýndur fram á og um náttúrulögmál sem lýsa og útskýra náttúruna.

2: Hver eru vísindi árþúsundsins?

Vísindi árþúsundsins eru ný viðvarandi vísindi sem byggð eru á náttúrulögmálum og athugunum frá Universal Model.

3: Hver er tilgangur UM?

Að endurreisa sannleik og reglu í vísindum með því að bera kennsl á ný náttúrulögmál sem hjálpa til við að lýsa og útskýra náttúruna þannig að hún skilst miklu skýrar.

4: Hver þróaði UM?

Universal Model er samstarfsrannsóknarverkefni, þróað af einkaaðilum og skrifað af höfundi sem er óháður öllum mennta- og ríkisstofnunum.

5: Fyrir hvern var UM skrifað?

Universal Model var skrifað fyrir alla. Þó svo að hún sé skrifuð fyrir æðri framhaldsskólastig, þá er innihald hennar nógu einfalt til að nota í kennslu í  grunnskóla.

6: Hvaða svið vísinda dekkar UM?

Öll megin náttúruvísindi eru í Universal Model, sem gerir hana svo sannarlega alhliða.

7: Hversu lengi var UM verkefnið í þróun?

Vinnan í Universal Model hófst snemma á 10. áratugnum, þó að það hafi verið nokkur undirbúningur í fleiri ár sem leiddi til fyrstu uppgötvunar.

8: Hvar átti UM sér stað?

UM átti sér aðallega stað í vesturhluta Bandaríkjanna, einkum í Arisóna fylki. Höfundurinn ferðaðist þó til ýmissa landa og vann með rannsóknarfólki víða um heim.

9: Hver vegna er Universal Model ekki skrifað og gefið út af einhverjum innan vísindaheimsins?

Í dag eru flestar nýjar vísindakenningar og rit sem lögð eru fram í vísindastofnunum settar í ítarlegt ritskoðunarferli þar sem starfsþjálfaðir jafningjar ákveða hvort efnið sé verðugt og innan takmarkaða sjónarmiða viðkomandi sviðs. Á undanförnum árum hafa margar stórar breytingar á vísindum í formi nýrra uppgötvana ekki komið frá vísindaheiminum, heldur frá einstaklingum sem notuðu utanaðkomandi sjónarmið. Nýjar kenningar og rit innan vísindastofnana eru yfirleitt flóknar, byggðar á gömlum kenningum og skrifaðar til hinna fræðilegu samstarfshópa sem halda áfram að trúa á gamlar kenningar. Universal Model snýst ekki um flóknar kenningar, heldur um einföld líkön sem sýna ný náttúrulögmál, en það er hægt að skoða þau í náttúrunni. Þessi vísindaaðferð er endurkoma í hinar upprunalegu vísindaaðferðir eins og rannsókn og fræðsla var stunduð fyrir öldum síðan.

10: Hversu mikil áhrif mun UM hafa á vísindaheiminn og á almenning?

Vísindalegur sannleikur sem ekki kemur frá virðulegum uppruna, tekur alltaf tíma þar til margir af þeim í vísindaheiminum samþykki hann. Sagan hefur sýnt okkur að stundum geta vísindin ekki samþykkt sannleikann í mörg ár þar til eldri vísindamenn falla frá. Yngri rannsakendur hafa alltaf verið opnari fyrir nýjar hugmyndir og sönnunargögn. Með almenningi horfir hins vegar allt öðruvísi við. Á meðan heilbrigðri skynsemi hefur verið „kastað út“ úr huga margra rótgróinna vísindamanna í dag, hafa flestir aðrir vísindamenn og almenningur viðurkennt villur þegar þeir sjá hana og samþykkja þeir ekki kenningar sem ekki hafa verið sannaðar með athugunum. Með þetta í huga ætti UM um síðir að hafa mjög mikil áhrif á samfélagið og vísindaheiminn og valdið byltingu í vísindum. Þetta er eitthvað sem enginn á lífi í dag hefur upplifað og það er erfitt fyrir okkur að skilja fyrr en það gerist.

11: Er fólk raunverulega að fara að trúa á UM?

Sönn vísindi snúast ekki um skoðanir. Þau snúast um áþreifanlegar staðreyndir sem eingöngu koma í gegnum mældar athuganir. Í gegnum árin áður en UM var gefið út opinberlega, hafa hundruðir einstaklingar heyrt þennan boðskap. Næstum því allir sem hafa heyrt um UM höfðu áhuga og vildu heyra meira. Mikill meirihluti þeirra sem tóku tíma í að lesa Universal Model trúðu ekki aðeins á UM, heldur komust þeir að því að það sem þeir voru að lesa var rétt, með hliðsjón af eigin þekkingu sem fæst með því að fylgjast með náttúrunni sem þeir höfðu aldrei áður séð eða með því að framkvæma eða fylgjast með tilraunum sem nú útskýrði ný náttúrulögmál sem þeir gátu skilið.

12: Hvað er ætlast til af mér, nú þegar ég veit um UM?

Fyrst og fremst – segðu fjölskyldu þinni og vinum frá því! Biddu þau að fara á þessa vefsíðu og kynnast UM. Settu nafn þitt á UM yfirlýsinguna og sendu inn álit, vertu síðan með í UM byltingunni. Það er fjöldinn allur af hæfni sem þú gætir búið yfir og við bjóðum þér að segja frá þeim þegar þú gengur í UM byltinguna. Við þörfnumst þín í að dreifa boðskapnum um Vísindi árþúsundsins.

13: Hver vegna skiptir UM mig máli?

Þetta er góð spurning og allir gæfu líklega mismunandi svar. En við finnum sameiginlegt þema meðal þeirra sem hafa skrifað okkur – UM hefur breytt sýn þeirra á lífið og á öllu í alheiminum. Þeir segjast þekkja nú svörin á spurningum sem þeir hafa lengi velt fyrir sér. UM hefur ekki tekist á við það svið tæknilegra breytinga sem koma munu í kjölfar nýrra vísindalegra uppgötvana. Þessar munu koma í ljós í Bindi III, Alheimskerfið, þar sem nýjar uppgötvanir á sviði eðlisfræði, efnafræði og stjörnufræði munu afhjúpa nýjar staðreyndir og athuganir. Hvern langar að læra ranga hluti í skólanum? UM gefur þau sönnunargögn sem ögrar ranga kennslu í dag víða um heim. Ef þú ert foreldri eða átt barnabarn, hvers vegna myndir þú vilja að barnið þitt hljóti ranga kennslu? Og að lokum útskýrir UM og gefur beina sönnun fyrir því að það er ekki á dagskrá hjá vísindunum að kenna sannleika. Að vita af þessu hjálpar sérhverjum sannleiksleitanda að láta ekki afvegaleiðast af mörgum vísindalegum blekkingum sem finnast í fjölmiðlum og meðal skólafólks.

14: Hvers vegna þörfnumst við ný vísindi?

Í inngangskaflanum í UM lærum við að myrkur tími vísindanna hefur verið við lýði í meira en heila öld þar sem vísindasamfélagið hefur ekki fundið nein merkileg náttúrulögmál. Í gegnum alla UM sýnum við uppgötvanir sem sýna tilvist hins myrka tíma vísindanna og við fjöllum um þörfina fyrir ekki bara ný vísindi, heldur fyrir byltingu í vísindum.

15: Er UM verk sköpunarsinnaðra?

Í mörg ár hafa sköpunarsinnar og þróunarsinnar tekið þátt í endalausum bardaga, hvorugir með fullnægjandi prófanlegar og endurtekningarhæfar vísindalegar sannanir fyrir skoðunum sínum. Þó svo að enginn vel þekktur sköpunarsinni stofnaði Universal Model, hafa margir af þeim ný uppgötvuðum sannleika í UM gefið áþreifanlegar vísindalegar sannanir sem styðja margar trúskoðanir sköpunarsinnaðra og einnig margra annarra trúfélaga. Universal Model inniheldur ekki áþreifanlegar sannanir á myndum jarðar eða sköpun, en það kemur fram með algerlega nýja merkingu orðsins „sköpun“. UM er miklu byltingarkenndari í umfangi sínu vegna mikils magns vísindalegra sannana sem kynnt er í fyrsta skipti um þætti „sköpunarsögunnar“.

Ert þú með spurningu? Skrifaðu hana hér undir Athugasemdir.

Vísindamenn eru ekki vísindi

UM-teymið vill lýsa yfir miklu þakklæti til vísindamanna ásamt heiðra vinnu þeirra og dugnað, en fjöldi karla og kvenna hafa hjálpað til við að gera rannsóknir UM mögulegar. Smelltu á tengilinn til að lesa hvernig þeir trúa því að flestir vísindamenn sýna ótrúlegan heiðarleika og eru hvattir af einlægri löngun til að lyfta samfélagið, bæta mannlegt ástand, vernda fallegu jörðina okkar og bjarga og lengja líf.

Þó svo að hörð gagnrýni sé uppi gagnvart nútíma vísindum, þá gildir sú gagnrýni ekki vísindamönnum. Lesið yfirlýsinguna hér.